24ora

news_item
Click to read more

Shailiny Tromp-Lee (MEP): Ta aplaudi reconocemento di baluarte ora nan ta bida

about 5 hours ago

Diamars anochi, riba Dia di Santa Cecilia patrona di nos musiconan, Gobierno a organisa un bunita actividad di reconocemento. Durante e anochi special aki, Minister di Cultura Xiomara Maduro a reconoce seis baluarte riba tereno musical. Seis cabayero cu a aporta grandemente na nos herencia musical y ainda ta deleita nos cu nan talento y creatividad.  Ta trata

24ora.com
news item

Shailiny Tromp-Lee (MEP): Ta aplaudi reconocemento di baluarte ora nan ta bida

about 5 hours ago

Diamars anochi, riba Dia di Santa Cecilia patrona di nos musiconan, Gobierno a organisa un bunita actividad di reconocemento. Durante e anochi special aki, Minister di Cultura Xiomara Maduro a reconoce seis baluarte riba tereno musical. Seis cabayero cu a aporta grandemente na nos herencia musical y ainda ta deleita nos cu nan talento y creatividad.  Ta trata di señores Victor Camacho, Casin Giel, Chicho Kock, Chucho Hoek, Ivan Cuandus y Cesar Olarte. 

Mi ta di acuerdo cu Minister Maduro caminda den su speech e anochi aki a indica cu nos pais pa con chikito cu nos ta, ta grandi na talento. Mi ta haya na su luga y ta di acuerdo pa nos reconoce nos musiconan ora nan ta na bida, duna elogio y atencion na tur nan logro. Pa mi nos mester accentua cu mediante nan creatividad nos por fiha loke nos ta pensa, sinti, experiencia y mucho mas. Cu nan creacion nos por crea, rebiba y recorda momento special. A base di nan produccionnan ami sigur por haci loke mi gusta haci mas, cual ta baila. 

Hunto cu nan famia y sernan keri e musiconan a keda poni den spotlight y a ricibi nan reconocemento. Gobierno sigur a gradici e casa y e famianan p’e sosten brinda na nos musiconan durante henter nan trayectorio. Durante e anochi nos por a disfruta di un video cortico di e logro y aporte di cada baluarte na desaroyo musical di nos pais y sigur na nan logronan internacionalmemte. Sigur por bisa cu e carera di cada un di nan, riba nan mes ta impactante. 

Un felicitacion na cada un di nan, y nan famia, sigur ta na su lugar. Alabes mi kier dirigi palabra di gradicimento na Minister Maduro pa a y sigui reconoce nos baluartenan riba diferente tereno. Aruba ta orguyoso di boso.

news_item
Click to read more

Gobierno ta celebra logro riba lomba di pueblo

about 7 hours ago

Un paar di dia atras Parlamento a pasa e presupuesto 2023 cu ta pronostica di produci un surplus di 63 miyon florin. Diferente minister y parlamentario di coalicion a sali ta gaba y ta celebra loke nan ta considera un gran logra. Pueblo tambe kier celebra cu nan pero no por. Pasobra e gran logro

24ora.com
news item

Gobierno ta celebra logro riba lomba di pueblo

about 7 hours ago

Un paar di dia atras Parlamento a pasa e presupuesto 2023 cu ta pronostica di produci un surplus di 63 miyon florin. Diferente minister y parlamentario di coalicion a sali ta gaba y ta celebra loke nan ta considera un gran logra. Pueblo tambe kier celebra cu nan pero no por. Pasobra e gran logro di surplus ta inclui mas medida pa pueblo. Mas medida pa un pueblo humilde cu ya no por carga mas. Un pueblo cu a aspira, lucha y traha duro pa por logra un nivel di bida digno. 

Desde 2017, ora cu MEP cu su extension nan a forma gobierno, ta medida tras di medida contra e pueblo. A campaña cu no lo tuma medida contra pueblo pa drecha loke nan tabata signala como malo. Segun MEP, nan tabatin suficiente experticio pa resolve e problemanan di Aruba. Awel 5 aña despues pueblo claramente ta wak, cu nan unico experticio ta crea medida tras di medida. 

Hasta CaFT cu normalmente ta propone na Gobierno pa tuma medida a yega na e conclusion cu loke nan ta haci ta di mas. CaFT den su recomendacion ta bisa cu gobierno ta busca su solucionnan mucho hopi den medida contra pueblo. “De noodzakelijke lastenverlagingenworden onvoeldoende opgepakt en dekking wordt te veel gevonden ion het verhogen van de belastingen en incidentele dekkingen.“

E gobierno actual y esun anterior y tur partido politico cu excepcion di AVP tabata pro pakete di medida cu minister president Evelyn Wever-Croes a firma cu Hulanda. Den e pakete ta inclui un sistema di BTW cu supuestamente tabata un reforma necesario. Awe kico nos ta wak cu gobernante nan a scoge pa subi impuesto di BBO ainda mas. Nada di reforma pero si un medida mas contra pueblo p’asina e politiconan por haya mas placa den caha pa asina e fiesta di friends and family por sigui.

Mi tabata scucha cu asombro con minister Geoffrey Wever tabata defende e subida di 1% di BBO. Minister Wever a bisa cu e 1% di subida lo tin un impacto minimal di 1.2% riba inflacion. Minister Wever argumentando den su defensa pro subida di BBO a bisa cu e ta traha cu facts (echo). 

Permitimi comparti un par di facts cu Minster Geoffrey anto:

Esaki nan ta e echonan y realidad cu nos pueblo pasando door di dje. Un Aruba caminda awe na aña 2022 hopi famia ta pasando momento hopi dificil. Prijs di gasolin halto, comustibel ta casi impagabel y cuenta exorbitante di awa cu coriente ta haci cu hopi famia no ta logra ni paga nan cuenta ni resta pa come.

RAIZ a profila su mes como un partido diferente, pero te ainda despues di un aña pueblo no a nota ningun diferencia.

news_item
Click to read more

Prome Minister: Hulanda ta prepara pa recesion mientras Aruba ta prospera

about 8 hours ago

Durante conferencia di prensa diabierna mainta na sede di gobierno, Prome Minister Evelyn Wever-Croes a comparti su reflexion riba e tempo cu nos ta aden, cu enfasis riba cambio di aña y economia mundial. Faltando net casi un luna pa celebra Pasco y su tras cera 2022 como un aña di basta turbulencia, tension y

24ora.com
news item

Prome Minister: Hulanda ta prepara pa recesion mientras Aruba ta prospera

about 8 hours ago

Durante conferencia di prensa diabierna mainta na sede di gobierno, Prome Minister Evelyn Wever-Croes a comparti su reflexion riba e tempo cu nos ta aden, cu enfasis riba cambio di aña y economia mundial.

Faltando net casi un luna pa celebra Pasco y su tras cera 2022 como un aña di basta turbulencia, tension y presion. E mandatario ta admiti cu no a logra tene tur cos trankil aki, principalmente door di e presion di Hulanda. Y aunke aña ta bay bolter, e no por bisa cu 2023 lo ta mas facil.

Mundo henter ta preparando pa un 2023 den cual lo tin mas inflacion ainda door cu no tin un bista cu e guera cu Rusia a cuminsa na Ucrania ta bay finalisa. Hulanda ta preparando pa un recesion economico otro aña, mientras cu na Aruba ainda ta premira un crecemento economico.

Pa e relato completo, lesa edicion di TREMPAN

news_item
Click to read more

Secretario di Estado Alexandra van Huffelen di bishita na Archivo Nacional di Aruba

about 10 hours ago

Diabierna durante dia Secretario di Estado Alexandra van Huffelen tabata di bishita na Archivo Nacional di Aruba. El a conta cu el a pasa na varios pais den Reino, cuminsando na Sint Maarten. A papia riba cambio climatico y riba e maneho di e landfill cu tin eynan, cual combersacion a bay hopi bon. Na

24ora.com
news item

Secretario di Estado Alexandra van Huffelen di bishita na Archivo Nacional di Aruba

about 10 hours ago

Diabierna durante dia Secretario di Estado Alexandra van Huffelen tabata di bishita na Archivo Nacional di Aruba.

El a conta cu el a pasa na varios pais den Reino, cuminsando na Sint Maarten. A papia riba cambio climatico y riba e maneho di e landfill cu tin eynan, cual combersacion a bay hopi bon.

Na Sint Maarten y Corsou, e di dos pais cu el a bishita, a tira un bista riba proyecto. El a papia cu e mandatarionan riba e pasado di sclavitud, cual ta un tema basta skerpi y importante p’e islanan y sigur na Hulanda.

Van Huffelen a bin Aruba, pero su bishita tabata cortico. Durante su bishita, manera ya anuncia, el a bishita Archivo Nacional, unda hunto cu Biblioteca y otro organisacion a papia riba e Coleccion Aruba, un proyecto hopi bunita unda cu a tuma luga digitalisacion di e archiefnan, caminda cu ta posibel pa tur hende pa por tira un bista riba computer, loke tin den archief. Esey ta algo improtante pasobra e no ta digitalisa, pero ta hacie accesibel, ya cu tin traduccion di e texto, carta y documentonan bieu, cu ta hopi dificil pa lesa, ya cu e ta cierto manera skirbi. Ta hopi bon cu a traha riba esaki y haci esaki mas cla.

news_item
Click to read more

Saco 2 kilo Chicheibi pa 25 florin: Campeon tin mochi Picuda, Pargo, Dorao, Mulato y filet di Brazie

about 10 hours ago

Diasabra di pisca fresco na Campeon Self Service. Campeon di Filet di Brazie. Tambe tin pisca cora di plato. Bo kier mochi? Campeon tin mochi di Mulato, Picuda, Dorao “Mahi Mahi” y Pargo. Tin un special riba e saco di Chicheibi di dos kilo pa 25 florin. Chicheibi fresco scama y habri. E pica di

24ora.com
news item

Saco 2 kilo Chicheibi pa 25 florin: Campeon tin mochi Picuda, Pargo, Dorao, Mulato y filet di Brazie

about 10 hours ago

Diasabra di pisca fresco na Campeon Self Service. Campeon di Filet di Brazie. Tambe tin pisca cora di plato. Bo kier mochi? Campeon tin mochi di Mulato, Picuda, Dorao “Mahi Mahi” y Pargo. Tin un special riba e saco di Chicheibi di dos kilo pa 25 florin.

Chicheibi fresco scama y habri. E pica di siboyo tempera den boter tambe tin. Mainta bo ta pasa pa bo pastechi, kroket, hamburger y ham and egg. Esnan cu kier pandushi y druguidek crioyo horna na cas, tambe tin na Campeon Self Service.

Magic 96.5 FM