Renaissance Marina Tower – Diasabra atardi polis y ambulance a bay e hotel pabou di Bestuurskantoor, pa un baby cu a bira hopi malo.

Na yegada di polis, e baby cu anteriormente no tawata reacciona tawata “ok” bek e momento eynan.

Mayornan na prome instante no tawata desea pa Paramediconan mira e baby door cu pa nan e lo ta bon.

Druifbeach(Eagle) – Diasabra merdia ambulance y polis a wordo pidi ariba e beach altura di Divi All Inclusive; pa un turista cu a bira malo ariba beach y no tawata reacciona.

Na yegada di Paramedico nan a wordo informa cu e turista masculino di fam Falco(72) lo a bay landa un rato. Despues ora e la sali for di lama e la bay sinta ariba un beach chair un rato y lo a bira hopi malo.

Paramediconan na nan yegada a haci tur nan posibel, pero tawata envano. Por bisa cu e meneer a sali for di lama a bay drumi ariba e beach chair y fayece.

Pa 3:15 p.m Dr. Mungra a constata morto di J.A.Falco(72) naci na Merca. Slachtofferhulp tambe a wordo poni na altura di e caso lamentabel aki.

Palabra di condolencia ta bay na famia di e fayecido.

“Señor ta mi wardado, mi’n tin falta di nada.

Den cunucu di yerba berde e ta pone’mi sosega.

E ta hiba’mi na awa trankil, pa mi bolbe haya forsa”.

Salmo: 23

Cu dolor na nos curason, pero conforme cu tur locual el a significa pa nos, nos ta participa fayecimento di nos casa, tata, opa, omo y ruman stima:

Eduardo Tromp

Miho conoci como “Eddy” of “Edchi”

na edad di 80 aña

*06 Augustus 1942 – †24 Mei 2023

Miembro den Ordo di Oranje-Nassau

Na nomber di su:

Esposa: Fortunata Tromp-Figaroa

Yiunan:

Jamil y Vanessa Tromp-Guzmán

Edward y Lisette Tromp-Thijsen

Celina y Gino Croes-Tromp

Elaine y Mariska Tromp-Kniest

Manera yiu:

Gilbert (Ibi) Albertus

Nietonan:

Ian, Samuel y Sebastian Tromp

Christy, Aaron †, Aiden, Annemarie y Kiara Tromp

Joceline, Alina y Jean-Luc Croes

Manera nieta :

Dyandra Albertus

Rumannan:

Dominico y Yvonne Tromp-Frans y yiunan

Alberta Tromp

Martin Tromp

Miguel y Ada Tromp-Adamus y yiu

Bernadetta Tromp y yiunan

Y demas rumannan den feliz memoria.

Swa y cuñanan:

Jose Figaroa

Lourdes Figaroa y Angel Barros

Luis y Filomena Figaroa

Consuegronan:

Rubén y Norma Guzmán-Grijalva

Edwin y Charlotte Thijsen-Pereira

Jean Lacle

Gerard y Baukje Kniest-Jansen

Ihanan:

Gilbert (Ibi) Albertus

Rachelle Tromp

Sobrino(a)nan, sobre sobrino(a)nan, primo(a)nan, amigo(a)nan, bisiñanan y demas famia:

Tromp, Figaroa, Semeleer, Guzmán, Thijsen, Lacle, Croes, Kniest, Albertus, Frans, Lopez, Adamus, Martinus, Britten, Brete, Koolman, Quandus, Gonzalez, Farro, Frank, Roza, van Poppel.

Ta invita pa e acto di entiero cu lo tuma luga diamars 30 mei 2023 na Aurora Funeral Home di 9’or di mainta pa 12’or di merdia, sigui pa Santana Catolico na Noord.

En bes di manda flor of krans lo aprecia un donacion pa Stichting H.O.P.E. Lo tin un box disponibel na Aurora Funeral Home.

Famia ta pidi disculpa si den nos momento di tristesa nos por a lubida un famia of conoci.

Disculpa nos cu nos no por ricibi bishita di condolencia na cas ni prome ni despues di entiero.

Paradera – Diasabra mainta e cashinan di coriente di ELMAR a lanta cu graffiti.

Locual por saca afo di e graffiti ta cu e persona cu a pone su curason lo a wordo kibra door di un otro persona.

E persona via di e graffiti ta expresando su emocion y su curason kibra y un ayo pa semper.

Lamentablemente esaki no ta e manera pa expresa bo tristesa, door di daña/susha propiedad di hende of den e caso aki Elmar N.V .