E bida di e yiu di e famoso cantante Spaño, Camilo Sesto, ta e ultimo tempo den noticia y no precisamente pa novedadnan positivo. E famia di Camilo Blanes, specialmente su mama -Lourdes Ornelas- ta hopi preocupa pa su yiu. E salud tanto fisico como psicologico de Camilín, manera e ta conoci den su entorno mas cercano, ta motibo di intrankilidad entre su hendenan, principalmente pa e potretnan impactante cu el a post algun dia pasa, cu despues e mes tabata delete.

Recientemente Señora Ornelas a conta abiertamente cu su yiu no ta bon, ta obvio, pero nunca el a yega na e grado aki di autodestruccion. El a sigui conta cu desesperacion cu e tin hopi tempo caba buscando ayudo pa su yiu y el a topa mil biaha cu un muraya fuerte su dilanti. Y awo un capitulo nobo a habri den e bida di Camilo ora el a aparece bisti na muhe riba su Instagram.

Cu cabey preto cu puyino y rasgonan hopi femenino, Camilo a post un potret cu a causa hopi alteracion entre su siguidonan. Hopi ta puntra si e ta un muhe trans, otro ta afirma cu e ta un manera di Camilo pa chercha di tur cu ta papia malo di dje, pa asina nan haya motibo pa papia. E posibilidad ta tambe cu por ta trata di un imagen crea pa inteligencia artificial den un di e tantisimo aplicacionnnan cu ta cambia di genero digitalmente for di un simpel potret.

Camilo Blanes mes no kier a duna niun splicacion riba e imagen aki y tur loke ta ser comenta ta simplemente rumor. Na november e yiu di Camilo Sesto ta cumpli 40 aña y tur loke cu sa ta locual esnan cerca di dje ta bisa. Recientemente nan a confirma na e revista Spaño ‘Semana’ cu Camilo ta biba rondona di “destrucción y caos” den su cas na Madrid, cu el a hereda di su tata cu a muri dia 8 di september 2019 cu 72 aña di edad.  

Un piscina na cas ta un di e deseonan mas grandi di hopi hende aunke no semper e ta parce un opcion facil. Tin biaha ta pensa cu e ta sali demasiado caro of kisas no ta keda bon den e hardin of no lo bay haci hopi uzo di dje. Pa e rason aki den Focus Digital Magazine por lesa algun di e beneficionan di tin un piscina na cas.

Pa cuminsa e prome punto ta cu un piscina ta duna bo cas un balor añadi, si den futuro bo ta dicidi di bende, e tin un balor mas halto. E piscinanan ta haci e hardin un luga agradabel pa pasa momentonan dibertido cu famia y amistadnan.

Ora bo tin un pisicina propio, bo por disfruta den dje ki ora bo ta desea sin niun tipo di horario y cu hopi privacidad. Bo por uza e piscina tanto pa relaha como pa landa, cual ta un di e miho deportenan pa e curpa humano.

Bo tabata sa cu mientras bo ta landa ta realisando un ehericio ‘anaeróbico’ constante? Lesa mas den e revista di e luna aki cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).

E luga faborito pa come ta sigui brinda mas opcion riba su menu y exactamente manera tur hende ta gusta. Den luna di april Wendy’s Aruba a introduci su Chimichurri Cheeseburger, un dushi pan traha cu ingrediente fresco y di calidad manera semper ta haya cerca nan y tambe pa tur smaak bon cu tin den un saus di chimichurri. Fuera di esey y pa complace e peticion di cliente, Wendy’s a cambia su combo #5 cu tabata un Grilled Chicken Sandwich pa un Grilled Chicken Ranch Wrap, mientras cu e opcionnan di salada a crece cu e Cobb Grilled Chicken Salad. Si esey no tabata hopi caba, Wendy’s Aruba ta yama danki na e sosten grandi cu pueblo di Aruba ta brind’e constantemente, door di bin cu un campaña caminda tin e oportunidad di gana un di dos certificado na balor di 3.000 pa biaha unda cu ta desea.

E Chimichurri Cheeseburger ta traha cu pan premium, burger patty di 100% carni, saus di chimichurri, garlic mayo, saus di keshi, berdura, tomati y siboyo fresco. Bo por hay’e su so of den combo y ta obtenibel pa un tempo limita. Pa hacie mas great ainda, Wendy’s Aruba ta invita tur miembro di e Programa di Lealtad (Loyalty Program) pa cumpra e Chimichurri Cheeseburger Combo scogiendo Coca Cola No Sugar pa participa den e rifa di dos certificado na balor di 3.000 pa biaha.

Pa participa ta masha facil, skirbi bo nomber, adres y number di telefon riba e recibo cu bo ta ricibi cu bo compra di e Chimichurri Cheeseburger Combo cu Coca Cola No Sugar y deposita esaki den e caha cu bo ta haya den tur cinco restaurant di Wendy’s rond Aruba. Bo tin te cu dia 30 di juni pa haci esaki. Dia 15 di juli ta saca dos ganado cu lo keda anuncia a traves di nan plataforma social y den prensa. Cada ganado por uza e suma aki pa cumpra pasashi y hotel pa e destino cu e ta desea.

Si ainda bo no ta miembro di e Programa di Lealtad di Wendy’s, no warda mas y cuminsa spaar bo punto. Djis bay riba www.wendysaruba.aw, click riba e tab di Loyalty Program y yena bo dato. Inmediatamente bo ta keda registra y cada bes bo haci bo pedido, bo ta duna bo number di telefon pa cuminsa acumula beneficio. Keda pendiente pasobra tin hopi mas promocion y sorpresa pa e miembronan di Programa di Lealtad.

E rednan social ta convenci cu e imperio Kardashian-Jenner ta perdiendo su relevancia, y awo cu e famia no a logra ta entre e celebridadnan escogi pa Met Gala, esaki solamente a intensifica e observacionnan di e hendenan. TikTok ta actualmente inunda cu critica y un usuario a señala e asina yama caida a ser influencia pa diferente factor.

E comentaristanan ta afirma cu e influencia di e famia ya tabata disminuyendo, pero ta kere cu e supuesto enemistad entre Kylie Jenner y Selena Gomez tabata e cherry riba e bolo. A pesar cu e pareha a aclarea e rumornan y declara explicitamente cu no tin enemistad, e fanaticonan ainda no ta kere esey. Durante e proceco ey, Kylie a perde casi un miyon di siguidornan riba Instagram.

E experto den social media y marketing guru, Jamie Love, tambe ta kere cu e famia ta luchando pa mantene nan mes relevante. El a bisa cu nan ta simplemente for di moda y nan a yega na fama y influencia den un momento, unda e hendenan tabata kier contenido cu ta inspira, e potretnan dimas edita tabata asina na moda y cu e deseo pa mustra perfecto.

Cu avance rapido pa 2023 y cu e impacto di TikTok, autenticidad ta triunfa riba perfeccion. E hendenan kier loke ta real y el a uza como ehempel Lewis Capaldi, Lizzo y Adele, cual e ta bisa cu bo por sinti indentifica cu nan compara cu e clan Kardashian-Jenner.

Den e ultimo añanan, azeta di coco a converti den un ingrediente protagonista di e productonan den e rutina di beyesa, pero e ta funciona realmente? Aki tin e contesta… Semper nos ta scucha bon comentario tocante azeta di coco y e rason pakico el a bira asina popular ta, pasobra e tin hopi funcion. Ademas di por uze den receta di cuminda, e por wordo inclui tambe den bo rutina di skincare. Aunke hopi hende ta bisa cu azeta di coco por yuda bo cabey crece, e realidad ta cu no tin prueba cu ta demostra esaki. Sinembargo algo cu si ta berdad, e tin hopi beneficio pa bo cuero, principalmente pa su ingredientenan anti-inflamacion y hidratante.

No tin duda cu azeta di coco ta un aliado grandi pa hidrata e cuero di bo curpa, pero tambe e ta nutri bo cuero cu vitamina y ta dun’e un briyo sin igual, cual ta complementa un bon suntan ora bo a caba di bin fo’i lama. Incluso, su ingredientenan hidratante ta yuda disminui plooi y e efectonan di biehes. Aunke claro, ta importante pa menciona cu esaki no ta trata di smeer e azeta riba bo cara, sino di haya e productonan adecuado cu tin e ingrediente aki, y cu a pasa den un laboratorio, cu ta sigura cu loke bo ta aplicando riba bo cuero ta bon.

E uzo di azeta di coco no ta limita na un tipo di cuero so, ta p’esey esaki ta un ingrediente cu ta inclui den un cantidad di producto di skincare, manera serum y hidratante. Incluso, e expertonan ta bisa cu e caracteristicanan cu e ta posee combina cu otro hidratante, por ta un ‘super boost’ pa bo cutis. Incluyendo ingrediente nobo den bo rutina di beyesa, por ta un poco riscante, ya cu tin chens cu e por ocasiona iritacion, p’esey semper ta mas recomendabel pa bay cerca un dermatologo.

E palmanan di coco ta un di esnan mas util na mundo y hopi biaha ta ser reconoci como ‘tree of life’. E ta proporciona alimento, combustibel, cosmetico, medicina popular y material di construccion, entre su cantidad di uzo. Na e paisnan tropical pa hopi aña, a cosecha coco, y un gran cantidad di persona ta depende di esaki pa nan biba. E motibo ta cu tur e partinan di e palma di coco tin un balor halto, tanto nutricional como economico.