Si tin algo cu tin e comerciantenan den caya grandi preocupa, ta e regreso di AruParking. Nos ta algun dia leu di e introduccion di e pagamento pa parkeo den caya grandi. Tin hende ta sinti cu no a duna suficiente informacion.

Frank Tieleman, comerciante den caya grandi, a duna di conoce cu e ta pro pa un parkeo organisa. Den cualkier centro di ciudad mester organisa esaki mirando cu e tin un beneficio pa e cumprado y e comerciante. E reintroduccion di un sistema di parkeo organisa ta necesario.

Locual tin Frank Tieleman preocupa ta cu no tin mucho informacion ni pa e comerciante ni tampoco pa e cumprado. Ta promove pa hende bin Oranjestad pa parkeer. Como consumido, Tieleman no ta compronde e logica mirando cu mayoria negoshi den caya ta cerando door cu situacion ta basta malo. 

Otro cos ta cu no tin e demanda pa parkeo. E hendenan cu ta haciendo uzo di parkeo ta esnan cu ta traha den caya. Falta hopi informacion ainda. Frank Tieleman a continua bisando cu ta promove pa hende bay cumpra den caya pero no tin luga pa shop pues no tin necesidad pa parkeo tampoco.

Di otro banda, tampoco a informa comerciante debidamente. No a informa ni tampoco involucra e comerciantenan den e reintroduccion di AruParking. Por ehempel, locual Tieleman sa, ta locual e ta mira riba Facebook. Como comerciante el a tuma nota cu tur vak di parkeo a bira blanco pero e no sa kico a sosode cu esunnan geel. Como consumido, por tuma nota cu tin masha hopi mashin ta “out of order” pues no sa con lo soluciona esaki.

Ademas, tin hende ta pensa cu e reintroduccion di AruParking lo “spanta” e tiki cliente cu a resta pa caya grandi. Frank Tieleman ta di pensamento cu comunicacion ta importante pasobra si e comerciante sa kico lo bin cu ne, e lo por adapta y ahusta. Te cu awo ta promove unicamente e consumido pero e consumido mes no tin tur informacion. 

No ta tur hende tin credit card tampoco. Ademas tin hende cu no tin pay.aw tampoco si en caso e mashin no ta funciona. Esaki ta e cosnan cu ta haci e mercado mas chikito ainda. No ta conoci si e intencion ta pa tur hende cuminsa busca un credit card of pay.aw. Pues, si e mashin no ta traha ta con e hendenan lo tin di paga?

En general, e comerciantenan tin varios aña ta yora e malcontento di con mal organisa e sistema di parkeo den caya ta. Esun cu ta ehecuta e parkeo tin cu busca un manera di informa e comerciantenan di kico nan lo haci. 

Si wak bon, parkeo ta necesario pero si no tin hopi comerciante/tienda den caya, no ta mira e motibo dicon e necesidad di paga pa parkeo. Mester cuminsa analisa e e problema di centro di ciudad for di e punto di bista cu tin cu cuminsa for di patras bin dilanti. Ta imposibel pa haci esaki si no tin necesidad di parkeo. Mester cuminsa busca forma pa genera interes den comerciante pa haci negoshi den caya y despues genera interes pa e consumido bay den caya y automaticamente lo tin necesidad pa parkeo. E interes ey ta locual no tin awo!

Cumana – Diasabra laat di anochi, habitantenan den Dakota y Tarabana por a mira basta presencia di polis y por a scucha sirena.

Ta asina cu patruya di Playa lo a duna stopteken na un Nissan March, pero e chauffeur no a sigui ordo di polis poniendo cu a cuminsa un persecusion.

E persecusion aki por bisa cu no tawata uno cu velocidad halto, unicamente cu e chauffeur no tawata kier a para.

Pa nada e chauffeur kier a stop y a dicidi di bay den verboden altura di Royal Funeral Home, subiendo Watty Vos Boulevard den verboden. Eybanda ta un 4 individuo a sali for di e Nissan March y a core bay.

Holor fuerte di marihuana a sali for di e auto ora cu agentenan a habri’e.

Parse cu ariba e individuo gara tras di e supermarket a haya un arma di candela. Pa e motibo aki a pidi pa departamento tecnico di polis, cu mester a saca potret pa haci demas notanan relaciona cu e arma y mas cos manera paña cu a benta atras de entreda di e supermarket.

Takelwagen a presenta pa bay cu e vehiculo mientra chauffeur y un ocupante a wordo deteni y transporta pa warda di polis

Tur cos ta cla pa e concierto bailabel di decada 80 y 90 caminda Miriam Cruz lo presenta cu su orkesta musical. E concierto lo tuma luga den Balashi Entertainment Arena. 

E reina di merengue

Cu un sonrisa masha grandi Miriam Cruz a sali for di aeropuerto. El a comenta cu e ta masha contento di ta bek na Aruba. Na 2010 el a bin cu su agrupacion cu tabata mita hende homber y mita hende muhe. E ta cla pa canta y recorda tur e momentonan bunita. Miriam ta papia poco Papiamento pues el a laga sa cu “mi ta hopi bon”. 

Cla pa un presentacion espectacular

Erin Croes, promotor di e evento, a comenta cu e artista t’ey pues e ambiente ta completo. Ta cu masha entusiasmo a ricibi Miriam Cruz. E promotor a laga sa cu Miriam ta mas cu cla pa duna un tremendo presentacion despues di 13 aña. 

Manera pan cayente

Arthur Kelly, promotor di e evento, a informa cu e carchinan ta bayendo manera pan cayente. E carchinan ta bayendo asina bon cu no sa si ta resta pa bende na porta.

 Tur hende ta preparando pa presencia un espectaculo musical. Miriam Cruz lo duna mas o menos dos ora di show. E concierto aki lo hiba un y tur den e añanan 80 y 90. 

E bos di Chicas del Can

Erin Croes a informa cu Miriam Cruz a bin cu un entusiasmo pa recorda e añanan 90. Fuego, El Negro No Puede y Juana La Cubana ta e exitonan cu lo resona den Balashi Entertainment Arena. 

E conciero lo ta un show inolvidabel. Carchi ta obtenibel na Hamaka Sidewalk, Vice Versa y na Gallo Rojo. 

Tanki Leendert – Diasabra den oranan di merdia pa atardi polis di trafico a sali pa un accidente di auto cu brommer, na altura di e misa na Tanki Leendert.

Na yegada di polis di trafico, e ta topa solamente un brommer benta panort di caminda, e auto si no tawata tey mas.

E motociclista cu tawata herida e ora a bin splica e agente locual cu enberdad a pasa.

Ex a manda auto y dal e brommer benta abou

Na e sitio nos a compronde cu e brommer lo tawata bayendo direccion Tanki Flip, y su ex cu parse no ta local tawata bayendo direccion Tanki Leendert.

Akinan kizas e dama cu basta rabia den su curpa a manda e auto cu e tawata maneha; y dal e brommer causando cu esaki a bay cay. Den e caida e motociclista a resulta herida. Ambulance a wordo pidi, y na yegada Paramediconan a atende cu e motociclista.

Di e manera aki autoridad a start un investigacion ariba e ex cu ta un dama no local y locual nan sa cu e tawata maneha un auto color shinishi.

Schotlandstraat – Diasabra den oranan di atardi patruya di Noord a para un auto altura di un convenience store situa ariba Schotlandstraat.

Tawata trata di auto Hyundai, cu tres hende homber aden.

E tres ocupantenan, no ta local y ta mustra cu nan lo no por a mustra e agentenan ningun documento valido e momento ey.

Debi na esaki polis a bay over na detene tur 3 y a pidi transportwagen cu a yega y a hibanan warda.

No ta conoci si nan ta indocumenta of asina cu nan pasanan over pa Guarda Nos Costa nan lo tin e tarea pa averigua si nan tin papel of tin e status di ilegal. Si ta e ultimo, nan lo keda cera te ora nan wordo deporta.

Na stadion Frans Figaroa a tuma luga wega di futbol entre Estrella y RCA un wega cu ambos team a mustra nan potencial, un tremendo wega y bunita hugada cu e deportistanan a haci. Trubina nan tabatin varios fanatico cu a bin apoya e hobenan. Na final e wega a termina na Estrella 1 y RCA 3

Cu dolor inmenso na nos curazon pero conforme cu boluntad di Dios, nos ta anuncia fayecimento di:

Theodora Larezmihor conoci como: “Chichi” of “Dudu”*07-12-1940†28-04-2023

Acto di entiero lo wordo anuncia despues.

“Dios ta amor… y amor ta Dios, maske mi no ta na e mundo aki, tur dia lo mi ta banda di boso Curason, mi por stens di loke Señor ta haci”. Salmo 33

 Cu inmenso dolor na nos curason, pero conforme cu boluntad di Dios, nos mester anuncia fayecimento di nos mama, suegra, wela, bisabuela, ruman, tanta, tanta grandi, prima y bon amiga:

Sra. Jenny S. Maduro-Marchena

Vuida di Hironimo E. Maduro

y yiu di defuntonan Clovis Marchena y Enriqueta Marchena-Martijn.

Na nomber di su yiunan:

Jeanine Maduro

Anouchka Maduro y Gunnard Dabian

Ronny Maduro y Marianela Maduro-Gibbs

Nieto- y nietanan:

Jeanirée Vicario-Bernabela y Greg Vicario

Jeréna Bernabela y Jeremy Geerman

Kiani Maduro

Yona Maduro

Bisanieta- y bisanietonan:

Jearsley, Jeanésly y Jéckersley Vicario

Rumannan:

Celia Alders-Marchena y George Alders (q.e.p.d.)

Ethel Marchena (q.e.p.d.)

Lena Marchena

Osvaldo Marchena y Annelies Phelipa

Belen y Dolfi Kock

Eddy y Stella Marchena

Anthony y Lidia Marchena

Willy y Gloria Marchena

Treesje Garcia-Marchena y Ruben Garcia (q.e.p.d.)

Swa– y Cuñanan:

Casper (q.e.p.d.) y Cleana Maduro (q.e.p.d.)

Johanita (Doei) Maduro (q.e.p.d.) y Shon Papa Martis (q.e.p.d.)

Dolores (Doita) Maduro (q.e.p.d.)

Fabia (Banchi) (q.e.p.d.) y Hipolito Maduro (q.e.p.d.)

Juan Maduro (q.e.p.d.) y Mirna (Mimi) Maduro

Sobrino- y sobrinanan:

Greg y Mayra Alders

Giovanni y Els Alders y famia

Cheppy Alders y Margareth Chin y famia

Gerile Alders y famia

Dino Roos y famia

Marlon Roos

Garrick Marchena y famia

Maroushka Marchena y famia

Juni y Darianela Marchena y famia

Romeo y Mary-Carmen Kock y famia

Richie Kock

Raffy y Bel Kock y famia

Vanessa Marchena y Rowin Bislik

EJ y Monica Marchena y famia

Rowan y Karina Marchena y famia

Genevieve Garcia

Gilienne y Darcy Franken y famia

Givancka y Frank Dijkhoff y famia

Freddy y Olga Maduro y famia

Jenny y Robby Schwengle y famia

Remy Maduro (q.e.p.d.) y Jan-Willem Mulder

Jacqueline y Alvin Thijsen y famia

Elvin y Noraiza Maduro

Elaine Maduro

Ayudantenan:

Oasis, Karol, Carol, Stichting H.O.P.E., We welcome wheelchairs transportation y Tene mi man medical transport.

Primo(a), Iha, amistad- y conocirnan y demas famia na Aruba y den exterior ta invita pa condolencia y acto di despedida, diaranson 3 di mei 2023, di 9or pa 11or di mainta, na Royal Funeral Home Aruba. Sigui pa cremacion den seno familiar.

 Nos ta lamenta cu despues di entiero, nos no lo ricibi bishita di condolencia na cas. Danki pa e comprension.

 Preferibel colornan alegre.

In de middaguren van donderdag 27 april zijn twee mensen op een scooter gestopt op de Kaya Neerlandia. Beide zijn beboet wegens het rijden zonder een helm. In de avonduren heeft een patrouille de bestuurder van een scooter gespot die zonder helm reed op de Kaya Beni. Op het moment dat de bestuurder de politie zag, ging hij sneller rijden. De politie heeft hem meteen een stopteken gegeven en uit de controle van de benodigde documenten bleek dat hij ook geen verzekering of geldige kentekenplaatnummer had. De bestuurder is voor alle drie overtredingen beboet. Op dezelfde dag, op een latere moment, is de bestuurder van een scooter op de Kaya Internashonal gecontroleerd omdat hij en zijn passagier beide geen helm droegen. Tijdens de controle van de benodigde documenten bleek dat de bestuurder geen geldige verzekeringsdocumenten had. De bestuurder en de passagier zijn allebei beboet.