Pakico Politica?

Prome cu Maart 2024, mi kier a keda mas leu posibel di politica. Pero un politico hoben a papia cumi y a convencemi cu si e hendenan corecto no tuma e paso pa drenta, nos no por spera cu cosnan lo cambia pa miho. Mi perspectiva a cambia y mi a compronde cu mi por forma parti di algo nobo y grandi, algo cu mi no a considera prome. No pa poder of posicion, pero pa algo cu tin un meta hunto pa futuro di Aruba.

Pakico vota pa Armand Kelly?

“Mi ta compromete mi mes na e bienestar di nos hendenan y nos naturalesa cu honestidad y claridad. Mi kier ta parti di un cambio berdadero, parti di un gobierno cu ta enfoca riba solucionan sostenibel basa riba dato. Cu mi conocemento y experiencia den diferente rol mi ta kere cu mi tin e capacidad di ta un lider cu por logra e cambio.

Mi prioridad ta pa traha pa un futuro cu nos pueblo ta capacita y cu nos tera ta proteha. Mi vision ta inclui un economia diversifica, miho calidad di bida pa nos hendenan y preservacion di nos medio ambiente. Un vota p’ami ta un voto pa preservacion, y prosperidad duradero.”

Por lesa mas di Armand su entrevista den nos edicion digital, tanto den Papiamento como na Ingles.

Pakico Politica?

Pakico vota pa Jennifer Arends Reyes?

Por lesa mas di Jennifer su entrevista den nos edicion digital, tanto den Papiamento como na Ingles.

Pakico Politica?

Mi a scoge pa politica paso despues di traha hopi aña como abogado, tax advisor y docente universitario mi no kier a para na banda mas y pa e motibo ey mi scoge pa drenta politica pa mi contrubi activamente na e desaroyo di Aruba y ta parti di e cambio den politica na Aruba.

Pakico vota pa Geoffrey Wever?

“Mi trabou como abogado y consehero fiscal pa 15 aña y docente universitario ta un hopi bon preparacion pa tuma decision riba nivel di gobierno. E ultimo 3 aña mi a haya hopi experiencia y a haci hopi trabou preparatorio cu den un gobernacion nobo mi por sigui implementa, mi lo por “hit the ground running”. Mi ta hopi entusiasma y pasiona pa traha pa Aruba.

Mi no tin interes personal den un funcion manera ta un minister of un parlamentario ya cu den sector priva como abogado mi tabatin un entrada y trabou bon, pero mi KIER traha pa Aruba y pa tur hende y no solamente pa mi mes. Mi a percura pa keda down to earth den mi functie como minister cu mi mesun auto, biaha economy class y tin un team chikito na mi oficina p’asina manda un signal cu mi no ta den politica pa e beneficionan pero pa traha pa Aruba.

Mi a scoge pa keda semper riba nivel y nunca ataca mi contrincante politico y semper trata tur hende cu respet. Mi lo duna 200% durante e proximo 4 añanan pa yuda hiba tur ciudadano y Aruba dilanti y ta cla pa sigui traha!”

Por lesa mas di Geoffrey su entrevista den nos edicion digital, tanto den Papiamento como na Ingles.

Pakico Politica?

Pakico vota pa Mervin Wyatt Ras?

“Un voto p’ami, Melvin G. Wyatt-Ras, mihor conoci como Mervin, ta un voto pa honestidad y integridad politico. Un voto pa garantisa cu tin un representante cu ta sali na vanguardia di esnan vulnerable den nos comunidad, manera entre otro mucha, mamanan soltera, nos grandinan y esnan cu limitacion. Na mes momento e ta un voto pa garantisa cu tin un bon cuido medico pa chikito y grandi cu mihor acceso na mediconan y specialistanan, unda remedinan no ta ser cobra na esnan vulnerabel den nos comunidad y unda tin atencion pa prevencion. Un voto p’ami lo garantisa husticia social pa tur y mehoracion di e area social. E ta un voto cu lo garantisa centro di cuido cualitativo y pagabel pa mucha y nos grandinan. Un voto p’ami lo mehora proteccion di nos muchanan contra violencia y tur clase di abuso. Un voto pa preveni criminalidad. Un voto p’ami ta un voto pa garantisa mihor salud mental cu dialogo entre partners riba tereno social y di salubridad. Un voto p’ami lo garantisa cu nos por yama Aruba nos hogar y cu nos por ta orguyoso di nos pais Aruba. Un voto pa Mervin pues ta un voto pa derecho y oportunidad igual pa un y tur.”

Por lesa mas di Mervin su entrevista den nos edicion digital, tanto den Papiamento como na Ingles.

Pakico Politica?

Mi a nace y crece rond di politica. Mi defunto tata Everaldo Croes tabata hopi envolvi den politica y mi a lanta como mucha hopi serca di nos Libertador Betico Croes. Esaki tabata sigur inspiracionnan positivo cu a motivami pa scoge pa drenta arena politica pa por yuda mi comunidad. Mi deseo ta pa traha pa un futuro mas husto y sostenibel pa Aruba, caminda e bienestar general di tur ciudadano mester prevalece cual ta mi prioridad. Politica ta e plataforma cu ta brindami e oportunidad pa lucha pa cambionan cu ta impacta y cu nos pais merese.

Pakico vota pa Endy Croes?

“Como un politico c’un pasion enorme pa sirbi pueblo y determina pa logra proyectonan grandi y noble na bienestar general di henter comunidad, mi ta comprometi pa representa un voz husto cu respet pa henter Aruba. Mi ta propone pa traha pa diversifica economia, sigui mehora nos enseñansa, halsa nos deporte pa un otro nivel y contruibi riba infrastructura di henter pais Aruba. Nos motto ta pa combati e costo di bida y mehora poder di compra di nos concuidadanonan. Cu e reto di cambio climatico, economia global y tecnologia ta avanzando constantemente y hopi rapido, Aruba ta enfrenta desafionan grandi, pero nos lo vence y surpasa tur obstaculo si nos traha hunto y uza tur nos recursonan poniendo nanishinan den mesun direcion pa yuda cada miembro di nos comunidad. Brindando mi e oportunidad un biaha mas pa sigui traha mi lo percura pa demostra cu hechos e progreso pa nos cada un cual nos tur ta buscando. Mi ta orguyoso di ta forma parti di nos baranca tan stima Aruba Dushi tera!”

Por lesa mas di Endy su entrevista den nos edicion digital, tanto den Papiamento como na Ingles.