Pakico Politica?

Mi no ta kere politica mester ta un carera pa bida largo. Politiconan mester bin cu nan vision, ehecuta nan plan di accion y despues bolbe bek na nan carera. Unicamente via politica por trece cambionan structural den administracion di e pais, maneho, regalmento y leynan.

Pakico vota pa Miguel Mansur?

“Durante e ultimo tres aña y pico mi a demostra un efectividad excepcional, cu tres iniciativa di ley entrega y un di cuatro na caminda. Esey ta mas cu cualkier parlamentario pa un zittingsperiode den historia di pais Aruba y den Reino ta un solo otro miembro a yega di entrega cuatro iniciativa. Mi a haci mas cu 776 pregunta na minister, presenta 11 amienda y coopera riba mas cu 30 mocion dus mi a demostra mi capacidad pa efectua cambio. Mi no tin miedo di tuma decision y accion decisivo, mi a sostene gobierno riba leynan manera LNT cu tabata den interes nacional y resisti fuertemente presupuestonan iresponsabel y e deal dudoso cu Eagle LNG. Riba merito di trabaonan haci, un voto pa Miguel ta un voto pa berdadero representacion, cambio sigur y un bida miho pa tur Arubano.”

Por lesa mas di Miguel su entrevista den nos edicion digital, tanto den Papiamento como na Ingles.

Pakico Politica?

Pakico vota pa Wendrick Cecilia?

“Politica ta un yamada, e ta un proposito di bida. Mi a determina den mi curason pa ofrece mi comunidad mi talento y conocemento. Mi ta kere den un politica di “competence and values”. Mi tin e conviccion cu Aruba tin mester di lidernan cu capacidad y principio cu ta dispuesto pa kibra tradicion y habri portal pa innovacion.”

Por lesa mas di Wendrick su entrevista den nos edicion digital, tanto den Papiamento como na Ingles.

Pakico Politica?

Mi a studia abogacia y fiscaalrecht y a traha varios aña na Departamento di Impuesto. Y despues, prome cu mi a drenta politica, mi tawata traha den un bufete di abogado sin nunca pensa cu un dia lo mi drenta e arena politico. Mientras cu mi tawata gusta mi trabou y a dedica mi tempo completo den eherce mi profesion como abogado, semper tawata biba e deseo den mi curason pa yuda mi pais den un forma mas directo. Mi a lanta den un famia di politico y hopi biaha a puntra mi si mi kier tambe sigui e pasonan di politiconan di famia y semper mi contesta tawata no, te cu a bira dificil pa sigui bisa no. Mi a realisa cu e manera mas efectivo pa ataca desafionan cu Aruba tawata pasa aden y pa yuda trece cambio positivo, tawata pa drenta den e mundo di servicio publico. Mi determinacion y meta como politico, ta pa transforma mi pasion pa soluciona problema y mi compromiso cu husticia social, den accion na bienestar di nos pueblo.

Pakico vota pa Evelyn Wever Croes?

“Ora cu mi a tuma gobernacion pa prome biaha na aña 2017, Aruba tawata den un situacion financiero bastante dificil, c’un deficit cu tawata crece y un falta di transparencia den finansas publico. For di dia cu mi a cuminsa, mi prioridad tawata pa restaura stabilidad y pone nos finansa bek riba e ruta corecto. Durante e crisisnan financiero y social cu mi a hereda, y despues e reto sin precedente di pandemia COVID-19, mi gabinete a traha sin stop pa proteha salud di nos ciudadanonan mientras cu tambe a yuda pa salvaguarda nos economia.

Nos a logra nabega den e tempo disifil, brindando stabilidad y trankilidad. Mi compromiso ta pa sigui construi un Aruba aun mas fuerte y prospero, caminda tur ciudadano ta sinti nan mes sigur y tin oportunidad pa prospera. Si pueblo di Aruba brinda mi un oportunidad nobo, mi lo sigui percura pa transparencia, maneho responsabel y bienestar di tur Arubiano.”

Por lesa mas di Evelyn su entrevista den nos edicion digital, tanto den Papiamento como na Ingles.

Mi nomber ta Zaida Everon, mi ta di Noord, naci na Aruba. Desde hopi tempran, mi aspiracion tabata bira docente di scol y scientist. Pero e destino a hibami den un otro direcion: di juffrouw di biologia mi a bira panadero, un desaroyo cu mi no por a imagina, pero cu a resulta ta mi pasion di mas grandi.” Cu e paso aki, Zaida Everon a topa cu e rumbo real den su bida.Un bread sommelier

Wel pa mi mes mi ta wak den futuro cu mi ta un embahadora di pan, ya cu mi a caba di gradua como bread sommelier certifica y ami ta un di e 16 hende muher na mundo di 257 bread sommelier mundialmente, riba e materia aki mi lo sigui amplia mi conocemento y trece den practica y unda cu mi por bay traha cu diferente chefs di diferente establecimiento cu diferente conocemento cu nos por ofrece un experiencia pa tur hende con pa por ‘taste & pair’ pan cu otro diferente producto.

Por lesa mas di Zaida su entrevista den nos edicion digital, tanto den Papiamento como na Ingles.

Un entrada den politica diferente

Misha ta bisa cu e no tabatin anhelo pa drenta politica, pero mirando e cantidad di famianan Arubiano cu mester a bandona Aruba pa busca mihor cuido pa nan yiunan afor, ta loke a motive a tuma e paso aki. C’un pasion tambe pa derecho igual y mehoracion di bida pa nos adulto mayor, Misha a uni cu partido RAIZ, un partido cu e ta mira como un movecion sostenibel y inovativo. “RAIZ no ta sigui e caminda bieu di sticker y bandera, pero ta mas enfoca riba contenido y cambio cu ta impacta pueblo,” e ta splika. “Mi ta sinti cu esaki ta un desaroyo importante pa lo cual ta nos atmosfera politica; teniendo medioambiente na cuenta pero tambe dunando espacio na nos hendenan pa tin nan color politico di un manera priva. RAIZ como partido ta para pa hopi punto mi mes ta para p’e, incluyendo derecho igual y derechonan di mucha, derechonan democratico y e dedicacion pa mehora e calidad di bida di nos adultonan mayor.”Por lesa mas di Misha su entrevista den nos edicion digital, tanto den Papiamento como na Ingles.