Un mucha cu curason di un emprendedor; un forma natural pa cuminsa describi Derwin Ruiz, kende cu solamente 19 aña, ya a haci di su banda pa cambia e mundo di negoshi na Aruba. Desde chikito, Derwin tabata inkieto, semper cu gana pa traha y pa yega na cualkier meta cu su dilanti. “Mi tabata e prome compania cu tabata bende shakes cu proteina pa solamente 4 florin. Pa nos por a haci un ganashi, nos mester a bende mas cu 20-cups pa dia. Wel, semper nos tabata bende sea 100 of mas,” el a bisa. E deseo pa haci un impacto ta bay mas leu cu gana un bon bida.Coding: E caminda pa un negoshi innovador

Desde hoben, Derwin tabata fascina cu tecnologia. “Mi a cuminsa coding ora mi tabata den basis, atendiendo PIUS X SCHOOL,” el a bisa. Durante su temporada na scol, e tabata ya un experto den traha apps y busca solucionnan innovador pa tur tipo di problema. Awor, como e Director di SmartCards, e ta duna tur su dedicacion pa impresiona su clientenan. “Mi ta pone mi mes tur dia pa impresiona nos clientenan, cu dedicacion y dunando e mihor resultadonan cu mas impacto posibel,” Derwin a bisa. E ta crece di dia pa dia den su rol y ta continua pa traha duro pa construi un futuro briyante pa su mes y pa su comunidad.

Por lesa mas di Derwin su entrevista den nos edicion digital, tanto den Papiamento como na Ingles.

Si bo puntra un hende den Savaneta ken ta Sra. Lucia Rasmijn, e prome cos cu nan lo bisa ta: “Si claro, Lucia di Brisas del Mar, casa di Joe.” Esaki ta manera mayoria di hende ta conoce mi wela. Pero p’ami, Mama Lucia ta mas cu simplemente e cara di un restaurant di famia; e ta mi reina, e Reina di Savaneta.

Un reina di Savaneta

Por lesa mas di Lucia su entrevista den nos edicion digital, tanto den Papiamento como na Ingles.

Un di e storianan di exito cu ta recorda Mayra tur dia di e impacto cu su trabou tin riba un persona ta uno hopi special; “Tabata un persona cu a nace c’un problema congenital di boca y lip, kende despues di hopi operacion di reconstruccion, tabatin un asimetria cu tabata afecta su bida social.” Mayra a yuda e persona aki cu aplicacion di accido hyaluronico pa crea simetria, resultando den un aumento di auto-estima y confiansa unico. Un otro storia di empoderamento y auto-estima aki tabata cu e poder di transformacion cu a yuda un otro hende cu tabata sufri di cicatriznan di acne pa sinti mas comodo cu su mes, sin tin necesidad pa tapa esaki cu make-up.

Por lesa mas di Mayra su entrevista den nos edicion digital, tanto den Papiamento como na Ingles.

Via amigonan tabata e prome biaha cu Chef Makaveli a tende di Qredits. E curiosidad tabata suficiente pa wak si esaki lo por tabata e sosten pa haci su metanan realidad. Despues di poco confusion na inicio, e ta bisa cu e sosten y guia cu el a haya di Nathaly Harms-Ellis, e branch manager mes, e proceso di sosten a bira un realidad.

Pa Chef Makaveli, e relacion cu Qredits a cuminsa c’un expectativa di hopi apoyo pa su plan di negoshi. Y awe e por confirma precisamente esey. “ Definitivamente si, mi ta recomenda Qredits na tur otro emprendedornan na Aruba.”

Por lesa mas di Chefmakaveli su entrevista den nos edicion digital, tanto den Papiamento como na Ingles.

Esnan cu conoce Justin Anthony Franca (27) di serca, sa e caminda di esfuerso propio y determinacion cu el a hiba pa yega na e profesion di electricista y hunto cune, lanta su mesun negoshi cu ta hiba su nomber;Justin’s Electrical & Services VBA. For di un edad hoben caba e tabata sa cu esaki te caminda cu e kier tuma. Su esfuersonan a duna resultado y awe, e ta comparti su storia pa inspira otronan cu e soño di por ta un dia nan ‘own boss’Mi mesun negoshi

Mirando bek, Justin ta realisa cu e logro pa yega na su mesun negoshi tabata un caminda cu a cuminsa desde cu e tabata hopi jong caba. Di e momento cu el a realisa cu e kier bira un electricista, pa cada paso cu el a tuma pa yega awe na su propio negoshi. “ Mi a cuminsa spaar pa cumpra mi propio tools y mashin necesario cual ta importante pa tin den e mundo di electricidad. Poco poco a cuminsa haya trabounan mas grandi y su clientela a cuminsa crece, di famia pa amigonan y eventualmente, companianan. Cu tur e experiencia aki, e ta bisa cu el a descubri su potencial.”

“Mi a traha 4 aña riba mi mes y ora a yega na traha proyectonan mas grandi pa companianan, mi a scoge pa inscribi mi mes na KVK y lanta mi propio eenmanszaak. Mi a traha di 2020 te cu 2023 como un eenmanszaak y na 2023 mi a cambia mi compania den un VBA y asina Justin’s Electrical & Services a nace. Mi tata, un persona cu tin mente pa negoshi, a motiva y tambe a yudami cuminsa Justin’s Electrical. Di eynan mi a cuminsa tuma trahadornan den servicio y den 1 aña di tempo, mi compania a crece cu 5 trahador mas y poco poco, mi a logra yega na mi vannan tambe pa completa mi flete.”

Por lesa mas di Justin su entrevista den nos edicion digital, tanto den Papiamento como na Ingles.